Пациенттердің көпшілігі бүйрек ауыстыруды қажет етеді — 4208 адам, олардың ішінде 91 бала. Бауыр трансплантациясына 293 пациент тұр, оның ішінде 27 бала. Жүректі 208 адам күтеді, олардың ішінде алты бала. Өкпеге 30 пациент жазылған, оның біреуі бала.
Орталық посмертті донорлықтың барлық процесін қадағалайды: донорды анықтаудан және туыстарымен сөйлесуден бастап, мүшелерді клиникаға жеткізуге дейін. Содан кейін күту парағы бойынша екі реципиент анықталады, олармен трансплантация орталықтары байланысады.
2012 жылдан бергі операциялар статистикасы
Елдегі заманауи трансплантация қызметі іске қосылғаннан бері 3270 операция жасалды. Оның 2726-сы (82 %) тірі донорлық есебінен, 544-і (18 %) посмертті донорлық есебінен орындалды. Олардың қатарында 2413 бүйрек ауыстыру, 636 — бауыр, 118 — жүрек, 28 — өкпе, 73 — қасаң қабық және екеуі — ұйқы безі.
Фильмнің премьерасы
22 шілдеде Астанада посмертті донорлыққа арналған «4739» қысқаметражды деректі фильмі көрсетілді. Фильм атауы күту парағындағы пациенттердің қазіргі санымен сәйкес келеді.