Облыстың газдандыру деңгейі қазірдің өзінде 83,2%-ды құрайды. Табиғи газбен 60 елді мекендегі шамамен 704 мың адам пайдаланады.
2026 жылы газбен қамтамасыз ету бойынша 13 жаңа жоба іске қосылады. Оған дейін Ақжарма, Сабалақ және Қамыстыбас ауылдарында желілердің құрылысы аяқталады. Осы жұмыстардың арқасында тағы шамамен 6 мың тұрғын газ алады.
Өңірде энергиямен қамтамасыз етудің сенімділігін арттыру үшін қуаты 240 МВт бу-газ қондырғысы пайдалануға берілді. Сонымен қатар, облыста жалпы қуаты 129 МВт болатын жаңартылатын энергияның сегіз нысаны жұмыс істейді.
2027 жылдың соңына дейін қуаты 210 МВт болатын тағы жеті ЖЭҚ жобасын іске қосу жоспарлануда. 2024 жылғы аукциондардың қорытындысы бойынша іріктелген жобалар 2028 жылдың соңына дейін жүзеге асырылады.
Тұрғындар газ-, электр- және жылумен қамтамасыз ету бойынша сұрақтар қойды. Вице-министр әрбір өтінішке жауап беріп, энергетикалық инфрақұрылымды дамыту жөніндегі одан әрі шаралар туралы айтты. Энергетика министрлігінде облыстың отын-энергетикалық кешенінің мәселелері тұрақты бақылауда екені атап өтілді.