Концертте «Ерке сылқым», «Әлқиса», «Ататолғауы», «Балбырауын» және «Сұлу қыз» шығармалары орындалды.
Домбыра, жетіген, сазсырнай, шаңқобыз, қобыз және дауылпаздың гобой, скрипка және аккордеонмен үйлесімі ерекше назар аудартты.
Қазақстанның Бельгиядағы елшісі Роман Василенко домбыра — халықтың жаны екенін, оның Еуропаның жүрегіндегі үні Ұлттық домбыра күні қарсаңында ерекше символдық мәнге ие екенін атап өтті. Оның айтуынша, музыка қазақ мәдениетін бөлісуге және халықтар арасындағы достықты нығайтуға көмектеседі.
Бельгияда 2026 жылы ашылған екі қазақ мәдени орталығы жұмыс істейді. Онда балалар мен диаспора өкілдері қазақ тілін үйренеді, домбырада ойнауды меңгереді, халық билері мен дәстүрлерін игереді.
Қазақстанда Домбыра күніне орай екі мыңнан астам іс-шара жоспарланған.